بلوچستان میں سیکیورٹی فورسز کی کارروائیاں، 9 دہشتگرد ہلاک

کوئٹہ(ڈیلی اردو)  شورش زدہ صوبہ بلوچستان کے مختلف علاقوں میں سیکیورٹی فورسز نے انٹیلی جنس معلومات کی بنیاد پر کارروائیاں کرتے ہوئے 9 دہشتگردوں کو ہلاک کردیا۔

سیکیورٹی ذرائع کے مطابق کارروائیاں(آپریشن ردالفتنہ 3) کے تحت دہشتگردوں کے خلاف کی گئیں۔ زیارت اور ہرنائی کے درمیان پہاڑی علاقے میں خفیہ اطلاع پر کارروائی کی گئی، جہاں سیکیورٹی فورسز نے دہشتگردوں کے ٹھکانے کو گھیرے میں لے کر مؤثر کارروائی کی۔

ذرائع کا کہنا ہے کہ کارروائی کے دوران 8 دہشتگرد ہلاک ہوئے جبکہ ان کا ٹھکانہ بھی تباہ کردیا گیا۔

سیکیورٹی ذرائع کے مطابق بلوچستان کے دیگر علاقوں میں بھی دہشتگردوں کے خلاف کارروائیاں جاری ہیں، جن میں مزید ایک دہشتگرد ہلاک ہوا ہے۔