بلوچستان: کوئٹہ میں دہشت گردوں کی فائرنگ سے پولیس افسر سمیت دو اہلکار ہلاک، ایک شدید زخمی

کوئٹہ (ڈیلی اردو) صوبہ بلوچستان کے صوبائی حکومت کوئٹہ کے مشرقی بائی پاس پر نامعلوم افراد کی فائرنگ سے ایک پولیس افسر سمیت دو اہلکار ہلاک ہو گئے۔

ابتدائی طور پر بتایا گیا تھا کہ پولیس کی وین پر فائرنگ کی گئی تاہم سی سی ٹی وی فوٹیج سے واضح ہوا کہ مسلح افراد نے پولیس اہلکاروں پر اس وقت فائرنگ کی جب وہ مقامی ہوٹل میں کھانے کے لیے بیٹھے ہوئے تھے۔

https://twitter.com/ShabbirTuri/status/1497236790356451338?t=9_HwdAr0-OAcSV7YSCOwiA&s=19

اہلکار ڈیوٹی پر معمور تھے کہ ان پر نامعلوم افراد نے فائرنگ کر دی، جسکے نتیجے میں اسسٹنٹ سب انسپکٹر (اے ایس آئی) اور کانسٹیبل موقع پر ہلاک ہو گئے جبکہ ایک اہلکار زخمی ہوا۔

پولیس کے مطابق واقعہ کے بعد سیکیورٹی فورسز اور ریسکیو ٹیمیں موقع پر پہنچی علاقے کو گھیرے میں لیکر لاشوں اور زخمی اہلکار کو ہسپتال منتقل کیا گیا۔

ہسپتال انتظامیہ کے مطابق ہلاک ہونے والے اہلکاروں میں اے ایس آئی رحمت اللہ اور کانسٹیبل علی اصغر شامل ہیں جبکہ ڈرائیور آزاد خان زخمی ہوا۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

وزیراعلیٰ بلوچستان عبدالقدوس بزنجو نے فائرنگ کے واقعہ کی مذمت کرتے ہوئے اہلکاروں کی شہادت پر دکھ اور افسوس کا اظہار کیا۔

وزیر اعلیٰ بلوچستان کا کہنا ہے کہ تخریب کار عناصر صوبے کا امن خراب کرنا چاہتے ہیں جس پر کوئی سمجھوتہ نہیں کیا جائے گا۔