بلوچستان: کوئٹہ کے علاقے مارواڑ میں بارودی سرنگ کے دھماکے میں 4 ایف سی اہلکار ہلاک

کوئٹہ (بیورو رپورٹ) بلوچستان کے صوبائی دارالحکومت کوئٹہ کے علاقے مارواڑ میں بارودی سرنگ کے دھماکے میں چار سکیورٹی اہلکار ہلاک ہو گئے۔

سرکاری ذرائع کے مطابق اتوار کے روز کوئٹہ کے علاقے مارواڑ میں فرنٹیر کور بلوچستان کے اہلکار معمول کے مطابق ایک گاڑی میں گشت کر رہے تھے کہ ان کی گاڑی ایک بارودی سرنگ سے ٹکرا گئی جس سے گاڑی تباہ ہوگئی اور ایف سی کے چار اہلکار ہلاک اور کئی زخمی ہو گئے ہیں۔

ہلاک ایف سی اہلکاروں میں صوبیدار سردار، سپاہی انور، سپاہی مسدف اور سپاہی اویس شامل ہیں۔ جبکہ زخمیوں کو فوری طور پر سی ایم ایچ کوئٹہ منتقل کیا گیا۔

دھماکے کی ذمہ داری تاحال کسی گروپ یا تنظیم کی طرف سے قبول نہیں کی گئی تاہم اس سے پہلے صوبے میں ہونے والے بارودی سُرنگوں کے اس طرح کے دھماکوں کی ذمہ داری کالعدم بلوچ عسکری تنظیمیں قبول کرتی رہی ہیں۔