بنوں: تحریک طالبان پاکستان کا انتہائی مطلوب دہشت گرد گرفتار، سر کی قیمت 20 لاکھ تھی

بنوں (ڈیلی اردو) کاونٹر ٹیرارزم ڈیپارٹمنٹ خیبر پختونخوا نے کارروائی کرتے ہوئے سکیورٹی فورسز پر حملوں میں ملوث انتہائی مطلوب دہشت گرد کو گرفتار کرلیا۔

کاونٹر ٹیرارزم ڈیپارٹمنٹ بنوں کو خفیہ ذرائع سے اطلاعات ملیں کہ سکیورٹی فورسز پر فائرنگ اور بم دھماکوں میں ملوث انتہائی مطلوب دہشت گرد ولی نور جانی خیل تھانہ جانی خیل کے علاقے میں موجود ہے اور دہشت گردی کی منصوبہ بندی کررہا ہے جس پر سی ٹی ڈی نے کارروائی کرتے ہوئے دہشت گرد کو گرفتار کرلیا۔

سی ٹی ڈی بنوں ریجن کی اہم کاروائی,مطلوب دہشتگرد شیرمان اللہ عرف مینول سکنہ جانی خیل گرفتار
صوبائی حکومت نے دہشت گرد کی سر کی قیمت بیس لاکھ (20,00,000)روپے مقرر کی ہے
مذکورہ دہشتگرد تھانہ جانی خیل کی حدود میں سیکیورٹی فورسز پر بم دھماکوں اور فائرنگ میں مطلوب تھا. pic.twitter.com/hJLP15BcUK

— KP Police (@KP_Police1) September 19, 2021

واضح رہے کہ صوبائی حکومت نے گرفتار دہشت گرد کے سر کی قیمت 20 لاکھ روپے مقرر کی ہے جبکہ اس کا تعلق تحریک طالبان پاکستان کے لوکل کمانڈر اختر محمد عرف خلیل جانی خیل گروپ سے ہے۔