06/March/2025

بنوں حملے کے منصوبہ سازوں اور سہولت کاروں کو کٹہرے میں لایا جائیگا، آرمی چیف

👁️ 76 بار دیکھا گیا

ایڈمن
امریکا
بنوں حملے کے منصوبہ سازوں اور سہولت کاروں کو کٹہرے میں لایا جائیگا، آرمی چیف

بنوں حملے کے منصوبہ سازوں اور سہولت کاروں کو کٹہرے میں لایا جائیگا، آرمی چیف

راولپنڈی (ڈیلی اردو) پاکستانی فوج کے سربراہ جنرل عاصم منیر نے دعویٰ کیا ہے کہ پاکستان میں ہونے والے حالیہ دہشت گرد حملوں میں غیر ملکی ہتھیاروں اور آلات کا استعمال واضح ثبوت ہے کہ افغانستان اب بھی ان عناصر کے لیے محفوظ پناہ گاہ ہے۔

فوج کے ترجمان ادارے آئی ایس پی آر کی جانب سے جاری کردہ بیان کے مطابق جنرل عاصم منیر نے بنوں کا دورہ کیا۔

خیال رہے کہ منگل کو بنوں میں ہونے والے حملے میں شہر میں موجود چھاؤنی کو نشانہ بنایا گیا تھا۔ اس حملے میں پانچ فوجیوں اور 13 شہریوں کی ہلاکت جبکہ 32 شہریوں کے زخمی ہونے کی تصدیق کی گئی ہے۔

آرمی چیف جنرل عاصم منیر نے کہا ہے کہ بنوں میں ہونے والے گھناؤنے حملے کے منصوبہ سازوں اور سہولت کاروں کو کٹہرے میں لایا جائے گا۔

ان کا کہنا تھا کہ دہشت گردی کے خلاف جنگ میں قومی اتحاد ناگزیر ہے۔

انھوں نے سی ایم ایچ بنوں میں زخمی اہلکاروں کی عیادت کی اور ان کی مستقل مزاجی اور غیر متزلزل عزم کو سراہا، پاک فوج کے سربراہ نے زخمی اہلکاروں کے بلند حوصلے اور عزم کی تعریف کی۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C