بنوں میں سی ٹی ڈی کی کارروائی، القاعدہ اور داعش کے دو دہشت گرد گرفتار

اسلام آباد (نمائندہ ڈیلی اردو) کاؤنٹر ٹیررازم ڈیپارٹمنٹ ( سی ٹی ڈی ) نے کارروائی کرتے ہوئے صوبہ پختونخوا کے ضلع بنوں سے دہشت گرد کو گرفتار کرلیا ہے۔

تفصیلات کے مطابق سی ٹی ڈی ریجن نے بنوں میں کارروائی کی، جس میں 2 دہشتگرد بارودی مواد سمیت گرفتار کر لیے، دہشتگردوں کے قبضے سے بارودی مواد، پرائما کارڈ، پلاسٹک ریموٹ اور بڑے بیٹری سیل برآمد بھی بر آمد کر لئے گئے۔

Pakistan Counter-Terrorism Dept (CTD) claimed arrest of two militants allegedly linked to al-Qaeda/IS in Bannu, KP. #Pakistan https://t.co/iC4TA07dmd

— FJ (@Natsecjeff) December 11, 2021

سی ٹی ڈی ذرائع کے مطابق گرفتار دہشت گردوں کا تعلق کالعدم تنظیم القاعدہ اور داعش خیبر پختونخوا کے لوکل کمانڈر اختر منیر عرف ولید عرف قاری عرف عرفان گروپ سے ہیں۔

ذرائع کا بتانا ہے کہ دہشتگردوں عبداللہ اور نور صمد کو مزید تفتیش کیلئے نامعلوم مقام پر منتقل کر دیا گیا ہے،۔

گرفتار دہشتگردوں کیخلاف انسدادی دہشتگردی ایکٹ کے تحت مقدمہ درج کیا گیا ہے۔

یاد رہے کہ گزشتہ روز پشاور پولیس کی کارروائی کے دوران مطلوب ترین دہشتگرد کو گرفتار کیا گیا تھا، خیبر پختوانخوا حکومت نے گرفتار دہشتگرد کی سر کی قیمت 10 لاکھ روپے مقرر کر رکھی تھی۔

دہشت گرد پولیس کو دہشت گردی، پولیس پر حملے، قتل اور دیگر سنگین مقدمات میں مطلوب تھا، جبکہ 2012 میں انقلاب چوکی پولیس ٹیم پر حملے میں بھی ملوث تھا جس میں سب انسپکٹر مرسلین خان ہلاک ہوئے تھے۔