بنوں میں پولیس اسٹیشن پر خودکش حملہ: 5 افراد ہلاک، 18 زخمی

واشنگٹن (ش ح ط) پاکستان کے شورش زدہ صوبے خیبر پختونخوا کے ضلع بنوں کے علاقے ڈومیل میں ڈومیل پولیس اسٹیشن کے گیٹ پر ایک خودکش حملہ ہوا، جس کے نتیجے میں کم از کم 5 افراد ہلاک اور 18 زخمی ہو گئے۔

پولیس کے مطابق حملہ آور نے بارود سے بھری زرنج رکشہ پولیس اسٹیشن سے ٹکرا دی، جس کے بعد زور دار دھماکہ ہوا۔ دھماکے سے نہ صرف پولیس اسٹیشن بلکہ قریبی رہائشی مکانات اور پرانی تحصیل بلڈنگ کو بھی شدید نقصان پہنچا۔ کم از کم 2 مکانات مکمل طور پر زمین بوس ہو گئے، اور متعدد افراد ملبے تلے دب گئے۔

ہلاک شدگان میں 3 خواتین، ایک مرد اور ایک بچہ شامل ہیں۔

ہلاک شدگان میں ایک ہی خاندان کے 4 افراد بھی شامل ہیں: ڈاکٹر نقیب اللہ، ان کی اہلیہ، بیٹا طفیل سبحان اور بیٹی صدف۔

اسپتال انتظامیہ کے مطابق ہلاک شدگان میں 2 سالہ بچہ اور 17 سالہ لڑکی بھی شامل ہیں۔

زخمیوں میں 7 خواتین اور کئی کم عمر بچے شامل ہیں، جنہیں فوری طور پر کے جی این ہسپتال منتقل کیا گیا۔

زخمیوں میں 2 پولیس اہلکار بھی شامل ہیں۔

پولیس کے مطابق حملہ بارود سے بھری زرنج رکشہ کے ذریعے کیا گیا، جو پرانی تحصیل بلڈنگ کی جانب سے آ کر پولیس اسٹیشن سے ٹکرا گیا۔ 

دھماکے کے اثرات کے باعث قریبی رہائشی علاقے میں شدید نقصان ہوا اور کئی افراد ملبے تلے دب گئے۔

دھماکے کے بعد علاقے میں شدید خوف و ہراس پھیل گیا۔

مقامی لوگ اپنی مدد آپ کے تحت زخمیوں کو نکالنے اور امدادی کارروائیوں میں مصروف ہیں۔

پولیس نے جائے وقوعہ پر جوابی فائرنگ کی اور ریسکیو ٹیمیں موقع پر پہنچ گئیں۔