بگن کانوائے حملہ: کرم پولیس کا 11 دہشت گردوں کو گرفتار کرنے کا دعویٰ

پشاور (نمائندہ ڈیلی اردو) خیبرپختونخوا کی پولیس نے دعویٰ کیا ہے کہ قبائلی ضلع کرم کے علاقے بگن، اوچت میں کانوائے پر حملہ اور فائرنگ کے واقعہ میں ملوث 11 دہشت گردوں کو گرفتار کر لیا گیا ہے۔

پولیس کے مطابق ضلع کرم میں بگن اوچت میں قافلے پر فائرنگ میں ملوث 11 دہشت گرد گرفتار کیے ہیں، پولیس اور سیکیورٹی فورسز نے مختلف مقامات پر چھاپے مار کر دہشت گردوں کو کرم کے مختلف علاقوں سے گرفتار کیا گیا۔ جبکہ واردات میں ملوث مزید شدت پسندوں کی تلاش جاری ہے۔

اس ضمن میں بتایا گیا کہ گرفتار دہشت گردوں کو نامعلوم مقام پر منتقل کر دیا گیا۔

پولیس حکام نے بتایا کہ گرفتار دہشت گرد 17 فروری کو کانوائے پر حملے میں ملوث تھے جبکہ واردات میں ملوث مزید شدت پسندوں کی تلاش جاری ہے۔

خیال رہے کہ گزشتہ روز لوئرکرم کے علاقوں میں امدادی سامان کی گاڑیوں کے قافلے پر فائرنگ کے نتیجے میں ایک ٹرک ڈرائیور سمیت 9 افراد ہلاک ہوگئے تھے۔ جن میں سیکورٹی فورسز کے پانچ اہلکار بھی شامل تھے۔

کھانے پینے کی اشیا،ادویات اور دیگر سامان سےلدی گاڑیوں ضلع ہنگو سےضلع کرم کیلئے روانہ ہوئی تھیں، لوئرکرم پہنچنےپربگن، اوچت، مندوری، ڈاڈ قمر، چارخیل سمیت 7 مقامات پر قافلے پر حملے کیے گئے تھے۔ ان حملوں ٹرک ڈرائیوروں اور چار اہلکاروں سمیت 15 افراد زخمی ہوئے تھے۔