بھارت: متنازعہ بل کیخلاف احتجاج، نئی دہلی میں دفعہ 144 نافذ، انٹرنیٹ، موبائل سروس معطل

نئی دہلی (ڈیلی اردو/ این این آئی) بھارت کے دارالحکومت نئی دلی میں دفعہ 144 نافذ کردی گئی ہے۔

بھارتی میڈیا کے مطابق متنازعہ بل کے خلاف بڑھتے احتجاج، مظاہروں اور کشیدگی کے باعث دارالحکومت نئی دلی میں دفعہ 144 نافذ کردی گئی ہے جب کہ مظاہروں میں شرکت کرنے والے درجنوں افراد کو بھی گرفتار کر لیا گیا ہے۔

بھارتی میڈیا کے مطابق دارالحکومت کے داخلی اور خارجی راستوں کو بند کر دیا گیا ہے اور شہر کے کئی حصوں میں موبائل سروس بھی معطل کر دی گئی ہے۔

بھارتی میڈیا کے مطابق نئی دلی میں انٹرنیٹ سروس کی معطلی سرکاری احکامات پر کی گئی جبکہ دلی اور ممبئی سمیت کئی شہروں میں بڑے پیمانے پر احتجاجی مظاہرے اور دھرنے جاری ہیں، نئی دلی کے لال قلعے کے قریب دفعہ 144 کے نفاذ کے باوجود بھی مظاہرین نے احتجاج کیا۔