ترکی: داعش کے خلاف کارروائی، 6 عسکریت پسند اور 3 اہلکار ہلاک، 357 گرفتار

انقرہ (ڈیلی اردو ) ترک حکومت کے مطابق ممنوعہ دہشت گرد تنظیم ’اسلامک اسٹیٹ‘ یا داعش کے عسکریت پسندوں کے خلاف تازہ ترین ملک گیر کریک ڈاؤن میں 357 مشتبہ عسکریت پسندوں کو گرفتار کر لیا گیا ہے۔

استنبول سے منگل 30 دسمبر کو موصولہ رپورٹوں کے مطابق ترک وزیر داخلہ علی یرلیکایا نے کہا کہ یہ گرفتاریاں شمال مغربی ترکی میں اس واقعے کے ایک روز بعد عمل میں آئیں، جس میں کل پیر کے دن ترک پولیس کے خصوصی دستوں اور داعش کے شدت پسندوں کے مابین ایک طویل اور خونریز جھڑپ میں 9 افراد ہلاک ہو گئے تھے۔

اس جھڑپ میں ’اسلامک اسٹیٹ‘ کے 6 عسکریت پسندوں کے علاوہ 3 ترک پولیس اہلکار بھی مارے گئے تھے جب کہ آٹھ سکیورٹی اہلکار زخمی بھی ہو گئے تھے۔

ترک حکومت کے مطابق ممنوعہ دہشت گرد تنظیم ’اسلامک اسٹیٹ‘ یا داعش کے عسکریت پسندوں کے خلاف تازہ ترین ملک گیر کریک ڈاؤن میں 357 مشتبہ عسکریت پسندوں کو گرفتار کر لیا گیا ہے۔

استنبول سے منگل 30 دسمبر کو موصولہ رپورٹوں کے مطابق ترک وزیر داخلہ علی یرلیکایا نے کہا کہ یہ گرفتاریاں شمال مغربی ترکی میں اس واقعے کے ایک روز بعد عمل میں آئیں، جس میں کل پیر کے دن ترک پولیس کے خصوصی دستوں اور داعش کے شدت پسندوں کے مابین ایک طویل اور خونریز جھڑپ میں نو افراد ہلاک ہو گئے تھے۔

اس جھڑپ میں ’اسلامک اسٹیٹ‘ کے چھ عسکریت پسندوں کے علاوہ تین ترک پولیس اہلکار بھی مارے گئے تھے جب کہ آٹھ سکیورٹی اہلکار زخمی بھی ہو گئے تھے۔

وزیر داخلہ علی یرلیکایا کے ایکس پر اس بیان سے قبل استنبول میں ریاستی دفتر استغاثہ کی طرف سے کہا گیا تھا کہ داعش کے نئے گرفتار کیے گئے 357 مشتبہ دہشت گردوں کے خلاف چھاپے 21 صوبوں میں مارے گئے، جن میں سے صرف استنبول اور دو دیگر صوبوں میں ہی ایسی کارروائیاں 114 مختلف مقامات پر کی گئیں۔

اس دوران گرفتار کیے گئے افراد سے ’اسلامک اسٹیٹ‘ سے متعلق بہت سا ڈیجیٹل مواد اور دستاویزات بھی برآمد کر کے قبضے میں لے لیے گئے۔