ترکی: پولیس بس کے قریب دھماکا، 5 اہلکار زخمی

انقرہ (ڈیلی اردو) ترک کے صوبہ ادانا میں پولیس بس کے قریب دھماکا ہوا ہے جس کے نتیجے میں پانچ پولیس اہلکار زخمی ہوگئے ہیں۔

ترک میڈیا کے مطابق دھماکے میں پولیس کو لے جانی والی ایک بس کو نشانہ بنایا گیا ہے۔

غیر ملکی خبر رساں ادارے کے مطابق زخمیوں کو ہسپتال منتقل کردیا گیا ہے جبکہ قانون نافذ کرنے والے اداروں نے جائے وقوع کو عوام کے لیے بند کرکے تحقیقات کا آغاز کردیا ہے۔

ادانا کے گورنر نے میڈیا سے گفتگو میں بتایا کہ دھماکے میں زخمی ہونے والے تمام اہلکارروں کی حالت خطرے سے باہر ہے تاہم انہوں نے زخمیوں کی تعداد کے بارے میں کچھ نہیں بتایا۔

پولیس حکام کے مطابق بم دھماکہ ریموٹ کنٹرول ڈیوائس سے کیا گیا ہے۔

حملے کی ذمہ داری کسی گروہ نے قبول نہیں کی ہے۔