جنوبی وزیرستان میں فائرنگ سے سی ٹی ڈی کا انسپکٹر موسیٰ خان ہلاک

وانا (دین محمد وزیر) صوبہ خیبر پختنوخوا کے قبائلی جنوبی وزیرستان کے علاقے تھانہ اعظم ورسک کے قریب دہشت گردوں کے حملے میں سی ٹی ڈی پولیس کا سب انسپکٹر موسیٰ خان ہلاک ہوگئے۔

https://twitter.com/ShabbirTuri/status/1542572294022631424?t=AQgSLyohW8FSnGhxYIoZCw&s=19

تفصیلات کے مطابق گزشتہ رات کو اعظم ورسک تھانہ کے سامنے پولیس نے ناکہ لگایا ہوا تھا کہ اس دوران موٹر سائیکل سواروں دہشت گردوں کو سب انسپکٹر سی ٹی ڈی موسیٰ خان سلیمان نے اس کو روکنے کا اشارہ دیا تو پیچھے سے دوسرے موٹر سائکل پر سوار دہشت گرد نے فائرنگ شروع کردی، فائرنگ کے نتیجے میں سب انسپکٹر سی ٹی ڈی موسیٰ خان سلیمان خیل کو سر پر گولی لگنے سے موقع پر ہلاک ہوگئے۔

سرکاری ذرائع کے مطابق دوسرے دہشتگرد نے ہینڈ گرنیڈ پھینکا جس سے رسول جانی نامی ایک پولیس اہلکار چہرے پر معمولی زخمی ہوا۔ پولیس کی جوابی کارروائی میں بلال نامی دہشت گرد ہلاک جبکہ دوسرا دہشت گرد عمر یار گل زخمی ہوگیا جسے پولیس نے اپنے تحویل میں لے لیا۔