حوثی ملیشیا نے سعودی عرب کی سرحد پر امریکی ڈرون مار گرایا

صنعا (ڈیلی اردو) حوثی ملیشیا نے یمن میں ایک امریکی ڈرون مار گرانے کا دعویٰ کیا ہے۔

يمن کے حوثی ملیشیا نے امريکی ساختہ اسکين ايگل نامی بغير پائلٹ والے ايک ڈرون طيارہ سعودی عرب کی سرحد کے نزدیک مار گرانے کا دعویٰ کيا ہے۔ امریکا اور سعودی عرب کی جانب سے حوثی ملیشیا کے دعوے پر تبصرہ سامنے نہیں آیا ہے۔

حوثی ملیشیا کے ترجمان نے امریکی ڈرون کو مار گرانے کو بڑی کامیابی قرار دیتے ہوئے کہا کہ يہ ڈرون ہمارے ٹھکانوں اور اسلحے سے متعلق معلومات جمع کر رہا تھا تاکہ سعودی سربراہی میں قائم فوجی عسکری اتحاد ہمارے خلاف بآسانی کارروائی کر سکے۔

حوثی ملیشیا کی جانب سے سعودی عرب کے سرحدی علاقوں میں کارروائی میں اضافہ دیکھنے میں آیا ہے۔ یمن سے سعودی عرب کے ایئرپورٹ پر حملے کیے گئے جب کہ حال ہی میں حوثی ملیشیا نے یمن کے وزیر دفاع پر بھی حملہ کیا تھا جس میں 2 فوجی مارے گئے تھے۔