حکومت نے سابق وزیر اعظم نوازشریف کو بیرون ملک جانے کی اجازت دے دی

👁️ 90 بار دیکھا گیا

ایڈمن

امریکا

اسلام آباد (ویب ڈیسک) وفاقی حکومت نے سابق وزیراعظم نواز شریف کو بیرون ملک جانے کی اجازت دے دی۔

ذرائع کے مطابق وزارت داخلہ نے نواز شریف کو بیرون ملک جانے کی اجازت کا نیا میمورنڈم جاری کردیا۔

نیا میمورنڈم لاہور ہائیکورٹ کے فیصلے کی روشنی میں جاری کیا گیا ہے جس میں زرضمانت کی شرط ختم کردی گئی ہے۔

ذرائع کا کہنا ہے کہ وزیر داخلہ کی منظوری کے بعد نواز شریف کو ایک بار بیرون ملک جانے کی اجازت دی گئی ہے۔ نواز شریف کا نام ای سی ایل میں برقرار رہے گا۔

ذرائع کے مطابق میمورنڈم کی کاپی درخواست گزار اور امیگریشن حکام سمیت متعلقہ اداروں کو ارسال کردی گئی ہے۔