خانیوال: مدرسے میں 13 سالہ بچے کو آہنی زنجیروں میں باندھ کر وحشیانہ تشدد

خانیوال (نمائندہ ڈیلی اردو) پاکستان کے صوبے پنجاب کے ضلع خانیوال کے علاقے عبدالحکیم میں ایک ہولناک واقعہ پیش آیا، جہاں 13 سالہ حسنین حیدر کو مدرسے کے منتظم نے وحشیانہ انداز میں کمر اور ٹانگوں پر چھڑیاں مار کر آہنی زنجیروں سے باندھ دیا۔

بچے کے والد محمد رمضان نے پولیس کو بتایا کہ وہ صبح 9 بجے بیٹے کو مدرسہ چھوڑ کر بازار گئے، اور تقریباً 3:30 بجے واپس پہنچنے پر انہوں نے اپنے آنکھوں کے سامنے یہ خوفناک منظر دیکھا۔ بچے کے درد و چیخ و پکار پر والد کے ساتھ محمد اقبال اور دیگر اہلِ علاقہ موقع پر پہنچے اور تشدد سے بچے کو بچایا، مگر مدرسہ منتظم عبد الحنان مغل فرار ہونے میں کامیاب ہو گیا۔

والد نے کہا کہ اس کے بیٹے کی حالت اب تشویش ناک ہے اور وہ انصاف چاہتے ہیں۔

پولیس نے فوری طور پر مقدمہ درج کر کے تفتیش شروع کر دی ہے۔