خیبر: جمرود علی مسجد خودکش حملے کے مزید دو سہولت کار گرفتار، خودکش جیکٹ برآمد

پشاور (ڈیلی اردو) صوبہ خیبر پختونخوا کے قبائلی ضلع خیبر میں علی مسجد خودکش حملے کے مزید دو سہولت کاروں کو گرفتار کر لیا گیا ہے۔

سی ٹی ڈی نے کامیاب کارروائی کرتے ہوئے خیبر علی مسجد خود کش حملے کے 2 سہولت کاروں کو گرفتار کرلیا ہے۔

ترجمان سی ٹی ڈی کے مطابق حملے کے سہولت کاروں کو جمرود کے علاقے پل غاڑہ سے گرفتار کیا، اور دوران تفتیش دونوں سہولت کاروں نے اعتراف جرم کیا ہے۔

سی ٹی ڈی ترجمان نے بتایا کہ پہلے سے گرفتار ایک ملزم نے بھی اپنے بیٹوں کے حملے میں ملوث ہونے کا اعتراف کرلیا ہے۔

سی ٹی ڈی ترجمان نے بتایا کہ سلطان خیل میں ایک مکان سے خودکش جیکٹ بھی برآمد ہوئی ہے، جب کہ کارروائی میں مکان سے کلاشنکوف اور کارتوس بھی قبضے میں لے لئے گئے ہیں۔

جمرود علی مسجد خودکش دھماکے میں ملوث مزید 3 سہولت کاروں کو گرفتار کر لیا گیا۔ سی ٹی ڈی حکام کے مطابق مبینہ ملزمان کے گھر سے خودکش جیکٹ، کلاشنکوف و دیگر اشیا برآمد کر لیا گیا ہے۔#CTD #Jamrud #Khyber #Pakistan

— Shabbir Hussain Turi (@ShabbirTuri) August 3, 2023

واضح رہے کہ گزشتہ ماہ 25 جولائی کو خیبر جمرود غار اوبہ پل کے قریب علاقے علی مسجد میں خودکش دھماکا ہوا تھا، جس میں ایڈیشنل ایس ایچ او جمرود عدنان آفریدی ہلالک ہوگئے تھے۔ جبکہ مسجد کی عمارت منہدم ہوگئی تھی، اور دہشت گرد کا سہولت کار گرفتار کرلیا گیا تھا۔