خیبر پختونخوا: بنوں میں پولیس موبائل کے قریب دھماکا

بنوں (ڈیلی اردو) پاکستان کے صوبے خیبر پختونخوا کے ضلع بنوں میں پولیس موبائل کے قریب دھماکہ ہوا ہے، تاہم کوئی جانی نقصان نہیں ہوا۔

تفصیلات کے مطابق بنوں کے تھانہ کینٹ کی حدود باران پل کے قریب پولیس موبائل دھماکے سے متاثر ہوئی، یہ آئی ای ڈی بم دھماکا تھا، دھماکے میں کسی جانی نقصان کی اطلاع نہیں ملی، تاہم پولیس موبائل کو جزوی نقصان پہنچا ہے۔

حکام کے مطابق پولیس کی گاڑی معمول کے گشت پر تھی کہ اس دوران دھماکے کا نشانہ بن گئی، کسی جانی نقصان کی اطلاع نہیں ملی، تاہم پولیس موبائل کو جزوی نقصان پہنچا، دھماکے کی اطلاع ملنے پر جائے وقوع پر پولیس کی نفری پہنچ گئی۔

بنوں میں پولیس کی گاڑی دھماکے کی زد میں آنے کے بعد فورسز نے قریبی علاقے کو گھیرے میں لے کر سرچ آپریشن شروع کردیا، حکام نے واقعے کی تحقیقات کا آغاز بھی کر دیا ہے۔

یاد رہے کہ 19 نومبر 2024 کو ضلع بنوں میں شدت پسندوں نے سیکیورٹی فورسز کی چیک پوسٹ پر حملہ کرکے 12 اہلکاروں کو ہلاک کر دیا تھا۔