خیبر پختونخوا: ٹانک میں پولیس موبائل کے قریب دھماکا

ٹانک (ڈیلی اردو) صوبہ خیبر پختونخوا کے ضلع ٹانک کے علاقے کوٹ اعظم میں پولیس موبائل پر رات گئے نامعلوم افراد نے بم سے حملہ کر دیا۔

پولیس کے مطابق دھماکہ تھانہ گومل پولیس موبائل پر کیا گیا ہے، پولیس موبائل معمول کے مطابق گشت پر تھی۔

Last night's IED blast in KP, Pakistan was claimed by TTP. https://t.co/gLofoclbFQ

— FJ (@Natsecjeff) February 8, 2022

ڈی پی او ٹانک وقار احمد کے مطابق گزشتہ رات تھانہ گومل بازار کے علاقے کوٹ اعظم کے قریب نامعلوم افراد نے معمول کے گشت پر جانے والی پولیس کی موبائل پر بم سے حملہ کر دیا۔

انہوں نے بتایا کہ بم کے حملے میں پولیس موبائل کو نقصان پہنچا ہے، تاہم کوئی جانی نقصان نہیں ہوا ہے۔

ڈی پی او ٹانک وقار احمد کا یہ بھی کہنا ہے کہ حملے کے بعد سیکیورٹی فورسز اور پولیس نے علاقے کو گھیرے میں لے کر سرچ آپریشن شروع کر دیا ہے۔

پولیس اہلکار معائنہ طور پر بچ گئے ہیں،پولیس کی بھاری نفری جائے وقوعہ پر طلب کرلی گئی ہےاو ر علاقے میں سرچ آپریشن شروع کردیا گیا.

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔