خیبرپختونخوا: باجوڑ میں 2 دھماکے، پولیس اور ایف سی کے 4 اہلکار ہلاک

خار (نمائندہ ڈیلی اردو) صوبہ خیبرپختونخوا کے قبائلی ضلع باجوڑ کے علاقے تیر بانڈہ گئی میں دو بم دھماکے میں 4 اہلکار ہلاک ہوگئے۔

سرکاری ذرائع کے مطابق تحصیل وڑ ماموند کے علاقہ تیر بانڈگئی میں پولیس فورس اور ایف سی کی گاڑی پر اس وقت دھماکہ ہوا جب وہ اس سے قبل ہونے والے بم دھماکے کی تحقیقات کیلئے جارہے تھے کہ راستے میں اچانک گاڑی پر ریموٹ کنٹرول دھماکہ ہوا۔

ڈسٹرکٹ پولیس آفیسر صمدخان کے مطابق باجوڑ کی تحصیل وڑما موند کے علاقے تیر بانڈہ گئی میں دھماکا ہوا۔ 

ڈی پی او کا کہنا ہے کہ ہلاک ہونے والوں میں دو پولیس اہلکار اور دو ایف سی اہلکار شامل ہیں جن کی پولیس ڈرائیور صمد خان، پولیس کانسٹیبل نور رحمان، ایف سی اہلکار جمشید اور مدثر کے ناموں سے ہوئی ہے۔

پولیس حکام نے بتایا کہ دھماکے کے بعد پولیس اور سکیورٹی فورسز نے ملزمان کی تلاش کیلئے سرچ آپریشن شروع کردیا۔

ادھر ضلع ہنگو کے علاقے ٹل میں دہشت گردوں نے فوجی چیک پوسٹ پر فائرنگ کی جس کے نتیجے میں 26 سالہ سپاہی وقاص ہلاک ہوگیا۔