خیبرپختونخوا: لوئر دیر میں دھماکا، 2 بچے ہلاک، 3 افراد زخمی

لوئر دیر (ڈیلی اردو) صوبہ خیبرپختونخوا کے ضلع لوئر دیر میں دھماکا ہوا ہے جس کے نتیجے میں دو بچے ہلاک اور تین افراد زخمی ہو گئے ہیں۔

ریسکیو حکام کے مطابق دھماکا لوئر دیر کے علاقے شگوکس میں ہوا۔

پولیس کے مطابق ہلاک بچوں کی عمریں 7 سے 8 سال کے درمیان ہیں، جو مچھلی پکڑ رہے تھے، مچھلی پکڑنے کیلئے پانی میں بارودی مواد رکھا گیا تھا۔

ریسکیو حکام نے بتایا کہ دھماکے کے نتیجے میں ہلاک ہونے والے افراد کی لاشیں اور زخمیوں کو ڈسٹرکٹ ہیڈ کوارٹر ہسپتال تیمرگرہ منتقل کر دیا گیا ہے۔

حکام نے مزید بتایا کہ دھماکا بارودی مواد پھٹنے کے باعث ہوا۔

دوسری جانب سکیورٹی فورسز نے علاقے کو گھیرے میں لے کر سرچ آپریشن کا آغاز کر دیا ہے۔