دادو: گستاخِ امام مہدیؑ، عبدالستار جمالی کے خلاف مقدمہ درج، ملزم فرار

دادو (ڈیلی اردو) صوبہ سندھ کے ضلع دادو کی تحصیل جوہی میں حضرت امام مہدی علیہ السلام کی شان اقدس میں بدترین گستاخی کرنے والے کالعدم سپاہ صحابہ کے دہشت گرد عبدالستار جمالی کے خلاف تھانہ پھلجی ولیج میں مقدمہ درج کرلیا گیا۔ پولیس کی جانب سے تکفیری دہشتگرد کی گرفتاری کے لئے مختلف مقامات پر چھاپے مارے جا رہے ہیں۔ پولیس نے ملزم کے باپ اور بھائی کو گرفتار کرلیا ہے۔

تفصیلات کے مطابق گزشتہ روز ضلع دادو کی تحصیل جوہی میں حضرت امام مہدی عجل اللہ تعالی فرجہم شریف کی شان میں بدترین گستاخی کیخلاف ملت جعفریہ کا احتجاج رنگ لایا۔ شیعہ قائدین کی جانب سے گستاخِ امام زمانہؑ کے خلاف مقدمہ درج کئے جانے کی درخواست موصول ہونے پر تھانہ پھلجی ولیج میں گستاخِ امام زمانہ (عج) عبدالستار جمالی کے خلاف مقدمہ درج کرلیا گیا۔

پولیس کے مطابق تکفیری دہشتگرد عبدالستار جمالی کے خلاف تعزیرات پاکستان کی دفعات 295-A اور 298-A کے تحت توہین رسالت ﷺ کا مقدمہ درج کرکے اس ملعون کی گرفتاری کے لئے چھاپے مارے جا رہے ہیں۔
پولیس ذرائع کا کہنا ہے کہ ملزم کے والد اور بھائی کو گرفتار کرلیا گیا ہے اور ملزم فرار ہو گیا ہے۔ ملزم کی گرفتاری کیلئے مختلف علاقوں میں چھاپے مارے جا رہے ہیں۔

یاد رہے کہ گزشتہ روز سندھ کےضلر دادو کی تحصیل جوہی سے تعلق رکھنے والے کالعدم سپاہ صحابہ کے دہشتگرد عبدالستار جمالی کی جانب سے فرزند رسولؐ حضرت امام مہدی (عجل اللہ تعالیٰ فرجہم شریف) کی شان میں بدترین گستاخی کے ساتھ ساتھ پاکستان کی قومی دفاعی اداروں کے خلاف ہرزہ سرائی کی، وڈیو سوشل میڈیا پر چلائے جانے کے بعد پاکستان بھر میں اس ملعون کے خلاف احتجاجی مظاہروں کا سلسلہ شروع ہوگیا تھا۔