دہشت گردی کا خطرہ: بھارتی وزیراعظم نریندر مودی کی سیکیورٹی بڑھا دی گئی

نئی دہلی (ڈیلی اردو) بھارتی میڈیا نے دعویٰ کیا ہے کہ بھارتی وزیراعظم نریندر مودی کی جان شدید خطرے میں ہے اور ان پر کسی بھی وقت حملہ کیا جاسکتا ہے، اس حوالے سے ان کی سیکورٹی کو بڑھا دیا گیا ہے۔

بھارتی میڈیا دعوی کر رہا ہے کہ نریندر مودی پر حملہ آنے والے 2 یا 3 دن کے اندر کیا جائے گا۔ اس حوالے سے کہا جا رہا ہے کہ 22 دسمبر کی شام کو جب بھارتی وزیراعظم رام لیلا گرائونڈ میں تقریب میں شرکت کے لیے جائیں گے تو ان پر حملہ ہو سکتا ہے۔

بھارتی میڈیا کے مطابق حملہ آور یا تو خودکش دھماکے سے خود کو اڑا دے گا یا پھر گولیوں سے نریندر مودی کو قتل کرے گا۔

Pak terror groups can target Modi at Ramlila: Intel https://t.co/nG2NQOyOdX

— TOI India (@TOIIndiaNews) December 20, 2019

اس حوالے سے بھارتی میڈیا بغیر سوچے سمجھے پاکستان پر الزام لگا رہا ہے کہ یہ حملہ پاکستان کروا رہا ہے، جس کا کوئی ثبوت نہیں ہے۔

Pak-based terror group likely to attack PM Modi's Ramlila Maidan rally on Dec 22: Sourceshttps://t.co/k5XTA3yW4Q

— DNA (@dna) December 20, 2019

دوسری جانب ذرائع کا اس حوالے سے کہنا ہے کہ متنازع بل کے خلاف بھارت بھر میں مودی سرکار کے خلاف جو لوگ سڑکوں میں نکل آئے ہیں، یہ سب ڈراما اور پروپیگنڈا ان سب سے توجہ ہٹانے کے لیے کیا جارہا ہے۔

دراصل بھارت میں اس وقت حالات مودی سرکار کے کنٹرول سے باہر ہوچکے ہیں، مودی سرکار اور متنازع بل کے خلاف ہر طرف احتجاج کا سلسلہ جاری ہے، بہت سے اضلاع میں انٹرنیٹ سروس بھی معطل کردی گئی ہے۔

واضح رہے کہ بھارت کے قریب ترین ساتھی امریکا اور اسرائیل نے اپنے شہریوں کو بھارت کی سفر کرنے سے منع کردیا ہے۔