دیر میں فورسز کا انٹیلی جنس بیسڈ آپریشن، 3 دہشتگرد ہلاک، اسلحہ برآمد

دیر(ڈیلی اردو)خیبرپختونخوا کے شورش زدہ ضلع دیر کے علاقے ڈوبندو میں سکیورٹی فورسز نے مصدقہ انٹیلی جنس اطلاعات کی بنیاد پر انٹیلی جنس بیسڈ آپریشن کیا، جس کے دوران فائرنگ کے تبادلے میں 3 دہشتگرد ہلاک ہوگئے۔

ذرائع کے مطابق سکیورٹی فورسز نے علاقے میں دہشتگردوں کی موجودگی کی اطلاع پر آپریشن کیا۔ کارروائی کے دوران فورسز اور دہشتگردوں کے درمیان فائرنگ کا تبادلہ ہوا، جس میں 3 دہشتگرد ہلاک ہوگئے۔ سکیورٹی فورسز نے کارروائی کے بعد ہلاک دہشتگردوں کی لاشوں کے ساتھ اسلحہ اور گولہ بارود بھی قبضے میں لے لیا۔

سکیورٹی فورسز کی جانب سے علاقے میں دہشتگرد عناصر کے خلاف انٹیلی جنس کی بنیاد پر کارروائیاں جاری ہیں۔