راجن پور میں دہشت گردوں کی فائرنگ سے شہید پولیس اہلکاروں کی نماز جنازہ ادا کردی گئی

راجن پور (ڈیلی اردو) گزشتہ روز دہشت گردوں کی فائرنگ سے شہید ہونے والے ایلیٹ فورس کے دو جوانوں کی نماز جنازہ ادا کردی گئی ہے۔

تفصیلات کے مطابق نماز جنازہ میں آر پی او ڈیرہ غازی خان سمیت ڈپٹی کمشنر راجن پور، ڈی پی او راجن پور اور شہریوں کی بڑی تعداد نے شرکت کی۔

A tribute to the martyrs of RajanPur Police.
Salute to these brave Son of the soil.
You are the proud of whole nation pic.twitter.com/Ql6YmrfSzf

— Rajanpur Police Official (@DRajanpur) November 11, 2019

واقعے میں شہید دیگر 3 اہلکاروں کی جسد خاکی کو ان کے آبائی علاقے روانہ کردیا گیا ہے، جہاں ان کی تدفین کی جائے گی۔

دوسری جانب وزیراعلیٰ پنجاب نے پولیس اہلکارو ں کی شہادت پر دکھ اور افسوس کا اظہار کرتے ہوئے ان کی قربانیوں کو خراج عقیدت پیش کیا ہے۔

راجن پور اور ڈیرہ غازی خان میں جرائم پیشہ عناصر کے خلاف آپریشن کے دوران شہید ہونے والے پولیس اہلکاروں کو سلام پیش کرتے ہیں!

صوبے میں امن و امان کی خاطر جانیں قربان کرنے والے یہ شہداء ہمارے ہیرو ہیں۔
واقعہ کے بارے میں RPO پولیس ڈیرہ غازی خان سے تفصیلی رپورٹ طلب کی ہے۔

— Usman Buzdar (@UsmanAKBuzdar) November 11, 2019

واضح رہے کہ گذشتہ روز راجن پور میں کالعدم تنظیم بلوچ لبریشن ٹائیگرز نے پولیس وین پر فائرنگ کی تھی، جس کے نتیجے میں 6 پولیس اہلکاروں سمیت حساس ادارے کے 2 اہلکار شہید ہوگئے تھے۔