رحیم یار خان میں سی ٹی ڈی کی کارروائی، ٹی ٹی پی کے 2 دہشت گرد گرفتار

رحیم یار خان (ڈیلی اردو ) کاؤنٹر ٹیررازم ڈیپارٹمنٹ(سی ٹی ڈی) نے صوبہ پنجاب کے ضلع رحیم یار خان میں کارروائی کرتے ہوئے کالعدم تنظیم کے دو دہشت گرد کو گرفتار کر لیا۔

ترجمان سی ٹی ڈی کے مطابق خفیہ اطلاع پر رحیم یار خان کے علاقہ چوک بہادر پاس کے قریب کارروائی کرتے ہوئے دہشت گردوں کو گرفتار کیا گیا۔ دہشت گردوں کا تعلق کالعدم تنظیم تحریک طالبان پاکستان (ٹی ٹی پی) سے ہے۔ دہشت گردوں کی شناخت غلام الرحمان اور شاہد کے نام سے ہوئی ہے۔

دہشت گردوں کے قبضہ سے بارودی مواد اور بم بنانے کا دیگر سامان برامد ہوا ہے۔ دہشت گردوں کے خلاف مقدمہ درج کرتے ہوئے تفتیش شروع کردی گئی ہے۔

سی ٹی ڈی نے ملزمان کو مزید تحقیقات کے لئے نامعلوم مقام پر منتقل کردیا ہے، ملزمان سے مزید انکشافات کی توقع ہے۔