رواں سال اسرائیلی فوج نے فلسطینی صحافیوں پر 259 حملے کئے، سنڈیکیٹ جرنلسٹ

مقبوضہ بیت المقدس (ڈیلی اردو) سنڈیکیٹ جرنلسٹ آف فلسطین کے سربراہ نے انکشاف کیا ہے کہ قابض اسرائیلی فوج اور پولیس نے رواں سال فلسطینی صحافیوں پر 259 حملے اور گرفتاریاں کی جن میں سے 50 سنگین نوعیت کے تھے جس میں صحافی شدید زخمی اور ایک صحافی اپنی آنکھ سے محروم ہوا۔

مقبوضہ بیت المقد س کے شہر البیرہ میں گزشتہ روز سنڈیکیٹ جرنلسٹ آف فلسطین کے سربراہ ناصر ابوبکر نے ایک پریس کانفرنس کرتے ہوئے انکشاف کیا ہے کہ رواں سال صیہونی ریاست نے فلسطینی صحافیوں پر مجموعی طور پر 259 حملے کئے۔

A total of 259 violations were committed against Palestinian journalists in the occupied territories since the beginning of this year, today said Nasser Abu Bakr, head of the Palestinian Journalists Syndicate (PJS).#NoJusticeNoPeace #racism #occupation #IStandWithPalestine pic.twitter.com/BhyXRycj23

— Palestine International Broadcast (@PBI_PS) July 23, 2020

انھوں نے بتایا کہ سب سے زیادہ مقبوضہ بیت المقدس کے صحافیوں کو نشانہ بنایا گیا جس میں صحافیوں کے خلاف 59 خلاف ورزیاں کی گئیں۔

انھوں نے غزہ میں صیہونی درندگی سے شہید ہونے والے فوٹو جرنلسٹ احمد ابو حسین، یاسر مرتجی، اور صیہونی فائرنگ سے اپنی ایک آنکھ سے محروم ہونے والے معاذ عمارنہ کے بارے میں تفصیلات بتاتے ہوئے کہا ہے کہ سنڈیکیٹ جرنلسٹ آف فلسطین نے غزہ کے شہید اور زخمی صحافیوں کے حوالے سے بین القوامی فوجداری عدالت سے رجوع کیا ہے اور صیہونی ریاست کے فلسطینیوں کے خلاف انسانی حقوق کی سنگین خلاف ورزیوں کے ثبوت فراہم کیئے ہیں۔