ریاض: وزیراعظم عمران خان کی سعودی ولی عہد محمد بن سلمان سے ملاقات

ریاض (ڈیلی اردو) وزیراعظم عمران خان اور سعودی ولی عہد شہزادہ محمد بن سلمان کے درمیان اہم ملاقات میں پاک سعودی دو طرفہ تعلقات اور خطے کی مجموعی صورتحال پر تبادلہ خیال کیا گیا۔

تفصیلات کے مطابق ہفتہ کو سعودی عر ب کے ایک روزہ دورے کے دوران دوسرے مرحلے میں وزیر اعظم عمران خان نے سعودی ولی عہد شہزادہ محمد بن سلمان سے ریاض میں ملاقات کی جس دوران پاک سعودی دو طرفہ تعلقات اور خطے کی مجموعی صورتحال پر تبادلہ خیال کیا گیا۔

وزیراعظم عمران خان سعودی عرب کے ایک روزہ سرکاری دورہ کے پہلے مرحلے میں مدینہ منورہ پہنچے ہیں۔ مدینہ منورہ پہنچنے پر رائل ٹرمینل پر مدینہ کے ڈپٹی گورنر اور جدہ میں پاکستان کے قونصل جنرل خالد مجید نے استقبال کیا۔

سعودی پروٹوکول کے حکام اور پاکستان قونصلیٹ کے افسران بھی استقبال کیلئے موجود تھے۔

وزیراعظم عمران خان نے روضہ رسول ﷺ پر حاضری دی اور نوافل ادا کیے، اسکے بعد وہ اپنی سرکاری مصروفیات کے لئے ریاض روانہ ہونگے اور وزیراعظم عمران خان سعودی قیادت سے ملاقات کریں گے، دوطرفہ تعلقات اور خطے میں ہونیوالی پیشرفت پر تبادلہ خیال ہوگا۔