زرداری، بلاول کی نیب میں پیشی، سابق وفاقی وزیر میرباز کھیتران سمیت 80 گرفتار

راولپنڈی (ڈیلی اردو)سابق صدر آصف زرداری اور چیئرمین بلاول بھٹو زرداری کی نیب میں پیشی کے موقع پرہاتھا پائی کے دوران پولیس نے سابق وفاقی وزیر میر باز کھیتران سمیت 80 کارکنوں کو گرفتار کر لیا گیا ہے اور انہیں تھانہ مارگلہ سمیت دیگر تھانوں میں منتقل کردیا گیا۔

تفصیلات کے مطابق پیپلزپارٹی کی قیادت کی نیب آفس میں پیشی کے موقع پر پیپلزپارٹی کے کارکنوں کی بڑی تعداد نیب آفس پہنچ گئی، پولیس نے پی پی کے کارکنوں کو پیچھے دھکیلنے کی کوشش کی تو اس دوران پولیس اور پی پی کارکنوں میں ہاتھا پائی ہو گئی، پولیس نے کارروائی کرتے ہوئے پی پی کے 80 سے زائد کارکنوں کو حراست میں لے لیا جن میں سابق وفاقی وزیر میر باز کھیتران بھی شامل ہیں۔
پولیس نے میرباز کھیتران کو 80 کارکنوں سمیت تھانہ مارگلہ اور اسلام آباد کے دیگر تھانوں میں منتقل کیے گئے ہیں۔