سندھ: جامشورو سے کالعدم تنظیم سندھو دیش ریولیشنری آرمی کا دہشت گرد گرفتار

حیدر آباد (نمائندہ ڈیلی اردق) کاؤنٹر ٹیررازم ڈپارٹمنٹ (سی ٹی ڈی) حیدرآباد نے صوبہ سندھ کے ضلع جامشورو میں عام انتخابات کے دوران تخریب کاری کا منصوبہ ناکام بنا دیا۔

#Sindh: CTD Hyderabad arrested a suspected militant of the Sindhudesh Revolutionary Army in Jamshoro. https://t.co/P4J3Rqxdg5

— ???? (@cozyduke_apt29) January 27, 2024

سکیورٹی حکام کے مطابق سی ٹی ڈی نے جامشورو میں کارروائی کرتے ہوئے کالعدم تنظیم سندھو دیش ریولیشنری آرمی سے تعلق رکھنے والے ایک دہشتگرد کو گرفتار کیا جس کے قبضے سے 600 گرام سے زائد خطرناک بارودی مواد، ڈیٹونیٹر اور بال بیئرنگ بھی برآمد ہوئے۔

حکام کا کہنا تھاکہ دہشتگرد کی تحویل سے ریاست مخالف پمفلٹس اور بینرز بھی قبضے میں لیے گئے ہیں، وہ ریاست مخالف ذہن سازی کے منصوبے پر بھی کام کر رہا تھا۔

سی ٹی ڈی حکام کے مطابق گرفتار دہشتگرد نے انتخابات کے روز تخریب کاری کی منصوبہ بندی کر رکھی تھی، گرفتار دہشتگردسے مزید تفتیش کی جارہی ہے۔