سندھ: حیدرآباد میں سی ٹی ڈی کا آپریشن، ایس آر اے کا دہشت گرد گرفتار

کراچی (نمائندہ ڈیلی اردو) پاکستان کے صوبہ سندھ سے کالعدم تنظیم کا ایک دہشت گرد کو گرفتار کرلیا گیا ہے۔

ڈیلی اردو کے مطابق کاؤنٹر ٹیررازم ڈیپارٹمنٹ (سی ٹی ڈی) نے ضلع حیدرآباد میں انٹیلیجنس بیسڈ آپریشن کے دوران کالعدم سندھو دیش ریولیوشنری آرمی (ایس آر اے) کے ایک مبینہ دہشت گرد خادم حسین گوپانگ کو گرفتار کر لیا ہے۔

سی ٹی ڈی کے ترجمان کے مطابق، ملزم کے قبضے سے ہینڈ گرنیڈز، اسلحہ، گولیاں اور دیگر تکنیکی سامان برآمد کیا گیا۔ 

ابتدائی تفتیش میں ملزم نے اعتراف کیا کہ یہ اسلحہ اور سامان بلوچستان سے لایا گیا تھا اور وہ ایس آر اے کمانڈر اصغر شاہ کی ہدایات پر دہشت گردی کی کارروائی کی منصوبہ بندی کر رہا تھا۔

سی ٹی ڈی حکام کے مطابق مزید تفتیش جاری ہے اور ملزم سے اہم معلومات حاصل کی جا رہی ہیں۔