سندھ: لاڑکانہ میں اے ایس پی سٹی کی آفس کے باہر دستی بم حملہ

لاڑکانہ (ڈیلی اردو) صوبہ سندھ کے ضلع لاڑکانہ میں سول لائن تھانے کی حدود میں قائم اے ایس پی سٹی کی آفس کے باہر دستی بم حملہ ہوا ہے، دھماکے کے بعد علاقے میں خوف و ہراس پھیل گیا۔

تفصیلات کے مطابق پولیس واقعے کی تحیقیقات کا آغاز کردیا ہے۔ پولیس نے تصدیق کی کہ سول لائن تھانہ کی حدودمیں قائم اے ایس پی سٹی کی آفس کے باہر حملہ ہوا ہے۔

علاوہ ازیں ترجمان پولیس نے بتایا کہ بم ڈسپوزل عملہ شواہد اکھٹے کر رہا ہے، واقعے کے سی سی ٹی وی فوٹیج اور دوسرے شواہد اکٹھے کیے جا رہے ہیں۔

ایس ایس پی لاڑکانہ نے کہا کہ ملزمان کو کیفر کردار تک پہنچایا جائیگا اور واقع کی تمام پہلوؤں سے تحقیقات کی جا رہی ہے۔

دوسری جانب کالعدم تنظیم سندھودیش روولیوشنری آرمی (ایس آر اے) کے ترجمان سوڈھو سندھی نے جاری کردہ ایک بیان میں کہاہے کہ اے ایس پی لاڑکانہ سٹی کی آفس پر ہونے والے بم حملے کی ذمہ داری قبول کرتے ہیں ۔