سندھ کے ضلع گھوٹکی سے 3 لاشیں برآمد، مقتولین کا تعلق ضلع کرم، پاکتین اور حافظ آباد سے ہے

گھوٹکی کے قریب کھیتوں سے 3 افراد کی لاشیں برآمد، تینوں کو سر میں گولیاں مار کر قتل کیا گیا

گھوٹکی(ڈیلی اردو) میرپور ماتھیلو کے گاؤں صوفی رحمت کے قریب کھیتوں سے 3 افراد کی لاشیں ملی ہیں، مقتولین کا تعلق ضلع کرم ایجنسی اور ضلع پاکپتن اور حافظ آباد سے ہے

تفصیلات کے مطابق صوبہ سندھ کے ضلع گھوٹکی کے علاقے میرپور ماتھیلو قومی شاہراہ کے قریب گاؤں صوفی رحمت سے 3 افراد کی لاشیں برآمد ہوئی ہیں جنہیں سر میں گولیاں مار کر قتل کیا گیا ہے۔ لاشوں کے اوپر ان کے نام ولدیت کی پرچیاں بھی رکھی گئی ہیں۔ جن کے مطابق ان کی شناخت ابوبکر، عبدالمالک، یاسر کے نام سے ہوئی ہے جن کا تعلق ضلع کرم ایجنسی اور ضلع پاکپتن اور ضلع حافظ آباد سے بتایا جا رہا ہے۔

لاشوں کو ڈسٹرکٹ ہیڈ کوارٹر ہسپتال منتقل کر دیا گیا۔ پولیس نے واقعہ کی تفتیش شروع کر دی ہے۔