سی ٹی ڈی کی پنجاب میں کارروائیاں، 6 دہشت گرد گرفتار، ہینڈ گرنیڈ اور بارودی مواد برآمد

لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے پنجاب میں انٹیلیجنس بیسڈ آپریشنز کے دوران 6 دہشت گردوں کو گرفتار کرلیا۔

تفصیلات کے مطابق سی ٹی ڈی کی پنجاب بھر میں دہشت گردوں کے خلاف کارروائیاں جاری ہیں، سی ٹی ڈی نے انٹیلی جنس بیسڈ آپریشنز کے دوران 6 مشتبہ دہشتگردوں کو حراست لے لیا۔

مشتبہ دہشت گردوں کو لاہور، گوجرانوالہ اور راولپنڈی سے گرفتار کیا، ان کا تعلق مختلف کلعدم تنظیموں سے ہے، گرفتار دہشت گردوں میں واحد بھٹی, جمیل الرحمٰن، محمد عبداللہ، محسن خورشید، عمران خان، کاشف علی شامل ہیں۔

آپریشن کے دوران 13 مشتبہ افراد سے تفتیش بھی کی گئی جبکہ دہشت گردوں کے قبضے سے بارودی مواد، ہینڈ گرنیڈ، ڈیٹونیٹرز سمیت دیگر بارودی مواد برآمد بھی کرلیا۔

ترجمان کا کہنا ہے کہ دہشت گردوں کو مزید تفتیش کے لیے نامعلوم مقام پر منتقل کر دیا گیا ہے۔