سیکیورٹی فورسز کے ٹانک اور جنوبی وزیرستان میں آپریشنز، 2 انتہائی مطلوب دہشت گردوں سمیت 9 ہلاک

راولپنڈی (ک م) پاکستانی سکیورٹی فورسز نے صوبہ خیبر پختونخوا کے ضلع ٹانک اور جنوبی وزیرستان میں علیحدہ علیحدہ انٹیلی جنس اطلاع کی بنیاد پر آپریشنز کیے۔ اس دوران فائرنگ کے شدید تبادلے میں دونوں مقامات پر 9 دہشت گرد ہلاک ہوئے۔

پاکستانی فوج کے شعبہ تعلقات عامہ (آئی ایس پی آر) کے مطابق ضلع ٹانک میں انٹیلی جنس پر مبنی آپریشن کے دوران کالعدم تحریک طالبان پاکستان کے 2 انتہائی مطلوب دہشت گرد مارے گئے، جن کی شناخت رحمت اللہ عرف بدر منصور اور امجد عرف بابری کے ناموں سے ہوئی۔

دوسرا آپریشن قبائلی ضلع جنوبی وزیرستان میں کیا گیا جہاں سیکیورٹی فورسز کے ساتھ فائرنگ کے شدید تبادلے میں 7 دہشت گرد مارے گئے۔

ہلاک دہشت گرد سیکیورٹی فورسز پر حملوں اور بیگناہ شہریوں کے قتل میں ملوث تھے، جن سے ہتھیار، گولیاں اور دھماکا خیز مواد برآمد ہوا۔

آپریشن کے دوران 29 سالہ جوان شاہ زیب اسلم بہادری سے لڑتا ہوا وطن پر قربان ہوگیا۔

بیان میں کہا گیا کہ سیکیورٹی فورسز ملک سے دہشت گردی کے خاتمے کے لیے پرعزم ہیں اور بہادر جوانوں کی یہ قربانیاں ہمارے عزم کو تقویت دیتی ہیں۔