شمالی وزیرستان: قبائلی مشر کی گاڑی پر دھماکا، ایک شخص ہلاک، 2 زخمی

میران شاہ (ڈیلی اردو) صوبہ خیبر پختونخوا کے قبائلی ضلع شمالی وزیرستان میں سیفلی کے مقام پر قبائلی مشر کی گاڑی میں بم دھماکا ہوا جس کے نتیجے میں ایک شخص ہلاک اور دو افراد شدید زخمی ہوگئے ہیں۔

تفصیلات کے مطابق شمالی وزیرستان کے علاقے شیواہ میں سیفلی کے مقام پر گاڑی میں بم دھماکا ہوا جس کے نتیجے میں 3 افراد شدید زخمی ہوگئے، دھماکا قبائلی رہنما ملک ریمال جان کی گاڑی میں ہوا جبکہ دھماکے کے وقت ملک ریمال جان گاڑی میں موجود نہیں تھے۔

زخمیوں کو علاج کے لیے ٹل ہسپتال منتقل کردیا گیا ہے۔

ہسپتال ذرائع کا کہنا ہے کہ زخمیوں میں عمر علی ولد سید گل، رحمت اللہ ولد میر سلام اور گل زنگ ولد رحیم جان شامل ہیں جن میں سے ایک زخمی نے ہسپتال میں دم توڑ دیا۔

سیکورٹی فورسز اور پولیس کا علاقے میں سرچ آپریشن جاری ہے۔