شمالی وزیرستان میں دہشت گردی کے دو واقعات میں 2 افراد ہلاک

وانا (نمائندہ ڈیلی اردو) صوبہ خیبرپختونخوا کے قبائلی ضلع جنوبی وزیرستان میں نامعلوم افراد کی فائرنگ سے ایک شخص ہلاک ہو گیا۔

ڈی پی او وزیرستان کا کہنا تھا کہ شاکم خان کا تعلق تحصیل تیارزہ علاقہ مانتوئی سے ہے۔ اس واقعے کی تحقیقات جاری ہیں۔

پولیس ذرائع کے مطابق شا کم خان مانتوئی سے ٹانک جارہا تھا کہ خیسورہ ٹو بروند روڈ تنگئی کے مقام پر نامعلوم مسلح افراد نے ٹارگٹ کلنگ کا نشانہ بنایا اور فرار ہوگئے۔

ایک دوسرے واقعہ میں زاہد نامی لڑکے کی لاش ملی ہے۔ پولیس کے مطابق شمالی وزیرستان کی تحصیل دتہ خیل میں گزشتہ دنوں اغوا ہونے والے مقامی نوجوان زاہد کی لاش مل گئی۔

پولیس حکام کے مطابق اسے چند روز قبل اغوا کیا گیا تھا۔ واقعہ تحقیقات شروع کر دی گئی ہیں۔