شمالی وزیرستان میں سیکیورٹی فورسز کا آپریشن، بڑی تعداد میں ہتھیار اور گولیاں برآمد

راولپنڈی (ڈیلی اردو) سیکیورٹی فورسز نے شمالی وزیرستان میں آپریشن کرتےہوئے بڑی تعداد میں ہتھیار اور گولیاں برآمد کرلیں۔

پاکستانی فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ اطلاعات پر شمالی وزیرستان کے علاقے مڈی خیل میں آپریشن کیا۔

آپریشن کے دوران ہتھیار اور گولیاں برآمد کر لی گئیں، جن میں سب مشین گنیں، لائٹ مشین گنیں، ہینڈ گرنیڈز اور آر پی جی7 راکٹ سمیت مختلف راؤنڈز شامل ہیں۔

آئی ایس پی آر کا کہنا ہے کہ مقامی عمائدین نے آپریشن کو سراہتے ہوئے سیکیورٹی فورسز سے مکمل تعاون کا عزم دہرایا اور علاقے سے دہشت گردی کے مکمل خاتمے کیلئے تعاون کی یقین دہائی کرائی۔