شمالی وزیرستان میں غیرمعینہ مدت کیلئے کرفیو نافذ

میران شاہ (ڈیلی اردو) خیبر پختونخوا کے قبائلی ضلع شمالی وزیرستان کے کینٹ ایریا میں نامعلوم وجوہات کی بنا پر کرفیو نافذ کردیا گیا ہے۔ ذرائع کے مطابق کینٹ ایریا میں تمام سرکاری دفاتر بند ہے جبکہ تحصیل بلڈنگ میں کسی کو بھی جانے کی اجازت نہیں دی جارہی۔

ٹی این این نیوز ایجنسی کے مطابق انتظامیہ کی طرف سے یہ معلوم نہ ہوسکا کہ کرفیو کس وجہ سے لگائی گئی ہے اور کب تک جاری رہے گی۔

دوسری جانب کرفیو کی وجہ سے روزمرہ کے معمولات متاثر ہوئے ہیں جس کی وجہ سے مقامی لوگوں کو مشکلات کا سامنا ہے۔

خیال رہے کہ شمالی وزیرستان میں اس سے پہلے بھی کئی مرتبہ کرفیو نافذ کیا گیا ہے لیکن اس دوران طلباء اور مریضوں کے ساتھ نرمی برتی جاتی ہے۔