طالبان کا داعش خراسان کے اہم آپریٹر عین الدین کو گرفتار کرنے کا دعویٰ

کابل (ڈیلی اردو/وی او اے) طالبان حکومت کے جنرل ڈائریکٹوریٹ آف انٹیلی جنس جی ڈی آئی کے اسپیشل فورسز یونٹ نے ایک کارروائی میں داعش خراسان کے ایک اہم آپریٹر عین الدین کو گرفتار کیا ہے۔

تفصیلات کے مطابق دیگر حملوں کے علاوہ عین الدین طالبان کے صوبہ بلخ کے گورنر اور صوبہ بلخ میں شیعہ ثقافتی مرکز پر حملے میں ملوث تھا۔اس نے داعش خراسان گروپ کی نگرانی میں بھی فعال کردار ادا کیا۔

بیان میں کہا گیا ہے کہ افغانستان کے شمالی صوبوں میں جی ڈی آئی نے سی سی ٹی وی فوٹیجز بھی جاری کیں جن میں مبینہ طور پر دکھایا گیا ہے کہ عین الدین بلخ کے گورنر اور مزار شریف میں تبیان ثقافتی مرکز کے خلاف حملوں میں معاونت کر رہا ہے۔

طالبان حکومت کے ترجمان ذبیح اللہ مجاہد نے بھی بیان دیا کہ صوبہ بامیان کے ضلع سیغان میں داعش خراسان پر مکمل قابو پا لیا گیا ہے ۔انہوں نے آر ٹی اے کو بتایا کہ افغانستان میں داعش خراسان سے متعلقہ سیکیورٹی خطرات 2 فیصد سے بھی کم ہو گئے ہیں۔

تازه!

عین الدین «محمد» چې د بلخ د والي شهید ملا داود مزمل او په نورو عملیاتو کې یې لاس درلود، د اسلامي امارت د استخباراتو «GDI» ریاست لخوا ونیول شو. pic.twitter.com/eb0keGp6OP

— Zabihullah( ذبـــیح الله م …میـــــنـوال ) (@Minwal_Z_M33) April 2, 2023

افغان ریاستی وزارت برائے ڈیزاسٹر مینجمنٹ کے ترجمان شفیع اللہ رحیم نے کہا کہ 29 مارچ سے اب تک 12 صوبوں میں سیلاب سے کم از کم تین افراد ہلاک اور 10 زخمی ہوئے ہیں۔

رحیمی نے کہا کہ 261 گھر تباہ ہوئے یا انہیں نقصان پہنچا ، 155 مویشی ہلاک اور 1700 ایکڑ سے زیادہ کھیت تباہ ہوئے۔