عراق کے دارالحکومت بغداد کے گرین زون پر راکٹ حملے

بغداد (ڈیلی اردو) عراقی فوج نے بتایا ہے کہ کل منگل کے روز دارالحکومت بغداد کے انتہائی حساس علاقے گرین زون میں دو راکٹ حملے کیے گئے تاہم ان حملوں میں کسی قسم کا کوئی جانی نقصان نہیں ہوا ہے۔

#BREAKING: As a result of the rocket attacks of #IRGC backed #AlNajba movement and Kataib #Hezbollah at #Baghdad's #GreenZone and #TajiCamp, a civilian building was damaged in #Jadriyah district of Baghdad near US Embassy. #BaghdadPost pic.twitter.com/YBYX1WePGt

— The Baghdad Post (@BaghdadPostPlus) March 17, 2020

عراق میں اتحادی فوج کے ترجمان کرنل میلیس بی کاگینس نے ‘ٹویٹر’ پر پوسٹ کردہ ایک بیان میں کہا کہ عراقی سیکیورٹی حکام بغداد میں ہونے والے دھماکوں کی تحقیقات کررہے ہیں۔

انہوں نے کہا کہ مقامی وقت کے مطابق رات گیارہ بجے بغداد کے التاجی فوجی اڈے سے کوئی میزائل نہیں داغا گیا۔ اس کے علاوہ امریکی اور اتحادی فوج کی تنصیبات کے قریب کوئی دھماکہ نہیں ہوا۔

ادھر امریکی وزیر خارجہ مائیک پومپیو نے خبردار کیا ہے کہ واشنگٹن شام میں اپنے فوجیوں کے دفاع کے لیے ہرممکن اقدامات کریں گے۔ ان کا کہنا تھا کہ ہم نے عراقی وزیراعظم عبدالمہدی کو بتا دیا ہے کہ ہم اپنے فوجیوں کے دفاع کے لیے آخری تک جا سکتے ہیں۔ ان کا کہنا تھا کہ عراق میں امریکی فوجیوں اور امریکی تنصیبات پرحملوں کے ذمہ داروں کے خلاف سخت کارروائی کریں گے۔