غداری کیس کے فیصلے سے آئین توڑنے کی روایت ختم ہوگی: ن لیگ رہنما احسن اقبال

اسلام آباد (ڈیلی اردو) پاکستان مسلم لیگ (ن) نے پرویز مشرف کے خلاف سنگین غداری کیس کے فیصلے کو خوش آئند قرار دیا ہے۔

مسلم لیگ (ن) کے مرکزی رہنما اور سابق وزیر داخلہ احسن اقبال نے پرویز مشرف غداری کیس کے فیصلے پر اپنے رد عمل نے کہا کہ پاکستان میں ہر کچھ عرصے بعد آئین کے ساتھ کھیل کھیلا گیا، پرویز مشرف نے 2 بار آئین توڑا، مسلم لیگ (ن) نے پہلی بار آمر کے خلاف قانونی چارہ جوئی کا فیصلہ کیا، پرویز مشرف بیماری کا بہانہ کرکے ملک سے فرار ہوئے اور واپس نہیں آئے۔

احسن اقبال
اس فیصلے سے مستقبل میں آئین توڑنے کی روایت ختم ہو گی۔ یہ وہ فیصلہ ہے جو آج سے پچاس سال قبل کیا جاتا ،تو میں مارشل لاء کی لعنت اور منحوست مسلط نہ ہوتی ، اور کبھی مشرقی پاکستان ہم سے جدا نہ ہوتا pic.twitter.com/siZE1ahKYK

— Nausheen Yusuf (@nausheenyusuf) December 17, 2019

احسن اقبال نے کہا کہ عدالتی فیصلے سے مستقبل میں آئین توڑنے کی روایت ختم ہوگی۔ یہ وہ فیصلہ ہے اگر 50 سال پہلے سنایا جاتا تو ملک میں مارشل لاء جیسی لعنت مسلط نہ ہوتی، یہ فیصلہ پہلے آجاتا تو مشرقی پاکستان ہم سے جدا نہ ہوتا۔