فرانسیسی پادری پر چاقو بردار شخص کے پے در پے حملے

پیرس (ڈیلی اردو) فرانس میں ایک کیتھولک چرچ کے پادری پر حملہ آور نے پے در پے چاقو سے حملے کردیے جبکہ ایک راہبہ بھی حملے کی زد میں آگئیں۔

امریکی میڈیا کے مطابق واقعہ فرانسیسی رویرا کے پاس کیتھولک چرچ اگلیز سینٹ پیئر ڈی ایرین میں پیش آیا۔ فرانسیسی نینشل اینڈ میونسپل پولیس نے فوری کارروائی کرتے ہوئے مشتبہ ملزم کو حراست میں لے لیا ہے۔

A Catholic priest was brutally attacked with knife by a stranger during Holy Mass celebration in Nice, France. The interference of a nun saved the life of the priest. pic.twitter.com/6TiUChqzhk

— Sachin Jose (@Sachinettiyil) April 24, 2022

قومی اسمبلی میں ایلپس میری ٹائمز کے نمائندے فرانسیسی سیاست دان ایرک سیوٹی نے کہا کہ پادری جس کی شناخت فادر کرسٹوف کے نام سے ہوئی ہے، کو چرچ کے اندر “کئی بار” وار کرکے شدید زخمی کیا گیا۔

فرانسیس وزیر داخلہ جیرالڈ ڈرمانین کے مطابق فائر فائٹرز نے پادری کو اسپتال پہنچا دیا ہے جہاں اُن کی حالت خطرے سے باہر ہے۔

ایرک سیوٹی نے راہبہ میری کلاؤڈ کی “غیر معمولی ہمت” کو بھی سراہا جو پادری کو حملے سے بچانے کی کوشش میں حملہ آور سے چاقو چھیننے کے دوران زخمی ہوئیں۔

جائے وقوعہ پر صحافیوں سے بات کرتے ہوئے مقامی میئر کرسچن ایسٹروسی نے ملزم کو ذہنی طور پر معذور فرانسیس شہری بتایا ہے۔