قاسم سلیمانی کی شہادت: اسماعیل قاآنی پاسدارانِ انقلاب کی قدس فورس کا نیا سربراہ مقرر

تہران (ڈیلی اردو) ایرانی سپریم لیڈر آیت اللہ علی خامنائی نے جنرل اسماعیل قاآنی کو ایرانی پاسدارانِ انقلاب کی قدس فورس کا سربراہ مقرر کیا ہے۔

ایرانی میڈیا کے مطابق جنرل اسماعیل قاآنی امریکی حملے میں شہید ہونے والے جنرل قاسم سلیمانی کے نائب تھے۔

#Iran's leader added that the plan of #IRGC's Qods Force during Esmail Qaani (new commander) will be as the same as the plan of Qods Force in #QasemSoleimani's era. pic.twitter.com/DNGdrh7m99

— Abas Aslani (@AbasAslani) January 3, 2020

سپریم لیڈر نے جمعہ کے روز اپنے ایک بیان میں جنرل سلیمانی کی مظلومانہ شہادت پر ایران میں تین روزہ سوگ کا اعلان کیا۔

انہوں نے کہا کہ قاسم سلیمانی کی شہادت پر ہمیں شدید صدمہ اور ناقابل تلافی نقصان پہنچا تاہم مزاحمت سے دستبردار نہیں ہوں گے اور اس قاتلوں اور مجرموں سے سخت سے سخت انتقام لیا جائے گا۔

انہوں نے مزید فرمایا کہ ہمارے دوست بالخصوص ہمارے دشمن جان لیں کہ ہم مزاحمتی فرنٹ پر مزید ثابت قدم رہیں گے بلکہ ایسی کاروائیوں سے کامیابی کے حصول کے لئے ہمارا عزم متاثر نہیں ہوگا۔