لاہور میں دہشت گردوں کی فائرنگ سے پولیس اہلکار ہلاک

لاہور (ڈیلی اردو) صوبہ پنجاب کے صوبائی دارالحکومت لاہور کے علاقے اسلام پورہ میں دہشت گردوں کی فائرنگ سے ایک پولیس اہلکار ہلاک ہوگیا ہے۔

پناجط پولیس کے مطابق ساندہ روڈ پر گشت پر مامور اہلکاروں نے مشکوک موٹر سائیکل سواروں کو روکنے کی کوشش کی، جس پر ملزمان نے اہلکاروں پر فائرنگ کردی۔

پولیس کا کہنا ہے کہ سینے پر گولی لگنے سے کانسٹیبل ارشد شدید زخمی ہوگیا، زخمی کانسٹیبل کو ہسپتال لے جایا جا رہا تھا کہ وہ راستے میں دم توڑ گیا۔

دوسری جانب آئی جی پبجاب نے واقعے کا نوٹس لیتے ہوئے سی سی پی او سے رپورٹ طلب کرلی، ساتھ ہی آئی جی پنجاب نے ملزمان کی فوری گرفتاری کا حکم دیدیا۔

دریں اثنا، کالعدم تحریک طالبان پاکستان سے منسلک چینلز نے اس پولیس اہلکار پر ہونے والے ٹارگٹڈ حملے‘ کی ذمہ داری قبول کی ہے۔