لاہور میں سکول سے نکالنے پر طالبعلم نے خاتون ٹیچر کو قتل کردیا

لاہور (ڈیلی اردو) سندر کے علاقہ میں طالب علم نے چھریوں کے وار کر کے خاتون ٹیچر کو قتل اور اسکی بہن کو زخمی کردیا۔

لاہور کے علاقے سندر میں میٹرک کے طالب رضوان کی ایک خاتون ٹیچر سے دوستی ہوگئی۔ اس بات کا اسکول کی سینئر ٹیچر شگفتہ کو بھی پتہ چل گیا جس پر شگفتہ نے ٹیچر اور طالب علم رضوان دونوں کو اسکول سے نکلوادیا اور رضوان کی اس حرکت کے بارے میں اسکے گھر والوں کو بھی بتا دیا۔ جس پر رضوان شگفتہ کے گھر داخل ہو گیا اور اس کے گلے پر تیز دار چھری سے وار کر قتل کردیا۔

شگفتہ کو اسکی بہن فرخندہ بچانے کے لیے آئی توملزم نے اسے ہتھوڑی کے وار کرکے شدید زخمی کردیا اور موقع سے فرار ہوگیا۔ ڈولفن پولیس کے مطابق زخمی فرخندہ کو اسپتال منتقل کردیا گیا ہے۔ پولیس ذرائع کا کہنا ہے کہ فرخندہ کی حالت بھی تشویشناک بتائی جاتی ہیں پولیس نے چھاپہ مار کر رائے ونڈ کے علاقہ سے ملزم کو گرفتار کرلیا ہے۔

بعد ازاں پولیس نے ملزم کو گرفتار کر لیا، جس کا کہنا تھا کہ معمولی غلطی پر استاد نے اسے اسکول سے نکال دیا تھا جس سے وہ شدید ذہنی تناؤ کا شکار ہوا۔

پولیس حکام کے مطابق مقتولہ کی لاش کو پوسٹ مارٹم کے لیے سرد خانے منتقل کردیا گیا اور رپورٹ حاصل کرنے کے بعد مقدمہ درج کیا جائے گا۔