لاہور: پنجاب میں سی ٹی ڈی کی کارروائیاں، 9 دہشت گرد گرفتار

لاہور (اے ڈی شہزاد) پنجاب میں دہشت گردی کے پیش نظر کاؤنٹر ٹیرر ازم ڈیپارٹمنٹ (سی ٹی ڈی) نے کارروائیاں کرتے 9 دہشت گردوں کو گرفتار کرلیا ہے۔

سی ٹی ڈی ترجمان کے مطابق سی ٹی ڈی نے پنجاب بھر میں 119 انٹیلی جنس بیسڈ آپریشنز کئے، آپریشن کے دوران 124 مشکوک افراد سے پوچھ گچھ کی گئی جبکہ آپریشن کے دوران 9 دہشت گردوں کو گرفتار کیا گیا جنہیں نامعلوم مقام پر منتقل کردیا گیا ہے۔

ترجمان نے مزید بتایا کہ گرفتار دہشت گردوں منیب، رفیق، نعیم، اقبال، احسن، حمادالرحمن، عبدالوحید، شوکت حسین، اختر کان اور احمد آفتاب کا تعلق مختلف کالعدم تنظیموں سے ہے۔

گرفتار دہشت گردوں سے اسلحہ، ہینڈ گرینڈ، الیکٹرک سوئچ، ڈیٹونیٹر اور بارودی مواد برآمد کیا گیا۔

مبینہ دہشت گردوں سے مزید تحقیقات کی جارہی ہیں۔