لکی مروت میں پولیس کی بکتر بند گاڑی پر دھماکا

لکی مروت (ڈیلی اردو) پاکستان کے صوبے خیبر پختونخوا کے ضلع لکی مروت میں پولیس کی بکتر بند گاڑی کو بم دھماکے میں نشانہ بنایا گیا ہے۔

تفصیلات کے مطابق شدت ہسندوں نے بنوں میانوالی روڈ کے لکی درہ تنگ سیکشن پر پولیس گاڑی کو بم دھماکے سے نشانہ بنایا ہے۔

پولیس ذرائع کے مطابق بکتر بند گاڑی میں گشت پر مامور پولیس اہلکاروں کو پیر والا موڑ کے قریب سڑک کے کنارے نصب دیسی ساختہ بم سے نشانہ بنایا گیا۔

انہوں نے کہا کہ بم دھماکے سے پھٹ گیا، لیکن خوش قسمتی سے تمام پولیس اہلکار محفوظ رہے، دھماکے سے اے پی سی گاڑی کو نقصان پہنچا، اس کی اگلی اسکرین بکھر گئی۔

دھماکے کے بعد پولیس کی بھاری نفری جائے وقوعہ پر پہنچ گئی اور آس پاس کے علاقے میں حملہ آوروں کی تلاش شروع کردی۔