منشیات برآمدگی کیس: سابق صوبائی وزیر رانا ثنا اللہ کے جوڈیشل ریمانڈ میں 14 روز کی توسیع

لاہور (ڈیلی اردو) انسداد منشیات کی خصوصی عدالت نے منشیات برآمدگی کیس میں گرفتار سابق صوبائی وزیر رانا ثنااللہ کے جوڈیشل ریمانڈ میں 14 دسمبر تک توسیع کردی۔

تفصیلات کے مطابق منشیات برآمدگی کیس میں گرفتار مسلم لیگ ن کے رہنما رانا ثنا اللہ کو جوڈیشل ریمانڈ مکمل ہونے پر آج انسداد منشیات کی خصوصی عدالت میں پیش کیا گیا۔ رانا ثنا اللہ کی پیشی کے موقع پر سیکیورٹی کے سخت انتظامات کیے گئے۔ پولیس نے وکلاء کو کمرہ عدالت میں جانے سے روک دیا۔

منشیات برآمدگی کیس میں رانا ثنا اللہ کے جوڈیشل ریمانڈ میں 14 روز کی توسیع کر دی گئی۔ انسداد منشیات عدالت نے کیس کی سماعت 14 دسمبر تک ملتوی کر دی۔

اس سے قبل پولیس اہلکاروں اور وکلاء میں دھکم پیل بھی ہوئی۔ رانا ثناء اللہ کی عدالت میں پیشی کے موقع پر احاطہ عدالت میں پولیس کی جانب سے میگا فون کا استعمال کیا گیا۔ رانا ثناء اللہ کے وکلاء نے پولیس کے نامناسب رویے پر عدالت میں اپنا احتجاج ریکارڈ کرایا اور عدالتی کارروائی کا بائیکاٹ کیا۔

انسداد منشیات کی عدالت نے وکلاء کے عدالتی کارروائی میں شریک نہ ہونے پر میں رانا ثنا اللہ کے جوڈیشل ریمانڈ میں 14 روز کی توسیع کر تے ہوئے کیس پر کی کارروائی 14 دسمبر تک ملتوی کر دی۔