نائیجیریا میں نامعلوم مسلح افراد کی مسجد میں فائرنگ سے 9 نمازی ہلاک، 10 زخمی

ابوجہ (ڈیلی اردو/رائٹرز) نائیجیریا کی شمال مغربی ریاست کدونا میں نامعلوم مسلح ملزمان نے مسجد میں داخل ہوکر نمازیوں پر اندھا دھند فائرنگ کردی جس کے نتیجے میں 9 نمازی ہلاک اور متعدد زخمی ہوگئے۔

Nine people killed in Kaduna mosque attack https://t.co/fv1jy0EXAR

— Premium Times (@PremiumTimesng) September 2, 2023

عالمی خبر رساں ادارے رائٹرز کے مطابق ریاست کدونا کے دور دراز کے گاؤں کی مسجد میں فائرنگ اس وقت کی گئی جب بڑی تعداد میں نمازی عبادت کر رہے تھے۔ ملزمان نے پوری کارروائی اطمینان سے کی اور فرار ہوگئے۔

کدونا پولیس کے ترجمان منصور ہارونہ نے رائٹرز کو بتایا کہ حملہ آوروں کی تلاش جاری ہے تاحال کسی شدت پسند جماعت نے حملے کی ذمہ داری قبول نہیں کی۔

مسجد میں فائرنگ سے زخمی ہونے والے 10 سے زائد نمازیوں کو قریبی ہسپتال منتقل کردیا جہاں کئی نمازیوں کی حالت تشویشناک بتائی جاتی ہیں۔