نارووال: ظفروال سے بھارتی ساختہ 30 پائونڈ وزنی اینٹی ٹینک مائن برآمد

نارروال (نمائندہ ڈیلی اردو) صوبہ پنجاب کے ضلع نارروال کی تحصیل ظفروال نالہ ڈیک ہنجلی کے مقام سے بھارتی ساختہ انٹی ٹینک مائن برآمد ہوئی جسے بم ڈسپوزل اسکواڈ نے انٹی ٹینک مائن ناکارہ بنا دی۔

پولیس کے مطانق بھارتی ساختہ انٹی ٹینک مائن 30 پونڈ وزنی ہے، مائن سیلابی پانی میں بہہ کر ہنجلی تک پہنچی، ریت اٹھانے کے دوران مزدوروں کو انٹی ٹینک مائن نظر آئی تو پولیس اور بم ڈسپوزل اسکواڈ کو طلب کیا گیا۔

نارروال بم ڈسپوزل سکواڈ نے موقع پر پہنچ کر انٹی ٹینک مائن کو ناکارہ بنا کر تحويل میں لے لیا۔

بی ڈی ایس حکام کے مطابق اینٹی ٹینک مائن چل جانے کی صورت میں بہت نقصان کر سکتا تھا۔

واضح رہے کہ گزشتہ چند ماہ میں ساتویں بھارتی ساختہ بارودی سرنگ برآمد ہوئی ہے۔